漳州之旅第三日—東山島南門灣、魚骨沙洲、蘇峰山

東山島位於福建漳州嘅東山縣，陸地面積188平方公里，係福建省第二大島。東山島同雲霄縣好近，中間隔住一條600米水道，自1961年興建八尺門海堤後，就變成陸連島。東山島位置接近北回歸線，氣候比其他島嶼更溫暖。曾經好多影視作品喺度取景，最出名嘅係電影《左耳》嘅拍攝地（南門灣），山頂天台同塗鴉牆都畀人留下好多美好回憶。其次係因為潮汐變化而露出真面目嘅「魚骨沙洲」，門票+來回船票108蚊。我哋嗰日去魚骨沙洲係平日，遊客少，來回幾乎包咗成條船。魚骨沙洲嘅沙灘水好清，踩喺水度好舒服，不過覺得用無人機影相會更加靚。3.我哋去咗蘇峰山，可以坐觀光車上山，沿住山路睇海、影相好靚，落山時意外喺觀光車站附近遇到一隻孔雀開屏，開咗差唔多半個鐘。